Шпильки - Сам ты Наташа

Şpilki grupasının "Sam ty Nataşa" adlı yırı sadece Türkler degil de "Nataşa" peşinde yürgen bizim aqaylar içün de yazılğan olmasın acep?

Enver İzmaylov - Hatıralar (Memories)

Kiev
11.06.2008

Bu betnen soqaqqa çıqmağa utanam!

Bazı gazetalarnıñ arqa saifesinde çıplaq qızlarnıñ fotoresimlerini qoyalar. Ebet, aqay oquvcular pek meraqnen baqalar, hatta belkim de fotoresimni kesip duvarğa asadırlar. İşte kapitalizmde oquvcularnın dikkatini celp etmenin yolları bular.

Menim de böyle bir maqsadım bar mı? Mına fotorsim yanda tura... Bilmem aranızdan kimler bu resimge nasıl baqadırlar. Lakin ona öyle ayvanca baqmanız ne olur! Çünki o Qırımtatar qızçıqlarımızdan birevi... Menim de siznin de öz qız qardaşınız, ya da eki doğmuş qardaşınız olabilir edi.

Men şu meşur odnoklasniki saytında şu qız qardaşımız (E.M.) ğaliba gruplarnın birevinde bir şeyler yazğan edi, men de onuñ saifesine bir baqayım dep tüşündim. Açıp baqsam ne köreyim! İşte bu sol yaqtaki fotoresim... Men qızğa açuvlanıp bir şey yazmadım... Sadece resimnin astında birden beşke qadar olğan raqamlardan en kiçkenesini saylayıp bastım. Altmıştan ziyade adam ise ona tek 5 bergen ediler.

Fotoresimlernin saipleri kimnin qaç bergenini körebileler. Qızımız menim tek 1 bergenimni körüp menim onu beğenmegenimni tüşündi eralde ki açuvlanıp şuñları yazdı:

ты на себя в начале посмотри!!!
я бы с такой рожей даже на улицу бы не выходила))

Menim saytımnı oquğan dostlarımız arasında Rus tilini bilmegenler de bar, onun içün tercime etmek istesem:

Sen başta özüne baq!!!

Men senin kibi betnen soqaqqa bile çıqmaz edim

dey bizim E.M...

Yahşı ki odnoklasniki fotoresimimde menim betimden ğayrı menim taz başım ve de şamekke oşağan qulaqlarım da körünmey... Olarnı da körse edi kim bilir daa ne aytar edi!!!

Şu qıznıñ qocası ya da qorantasının vekillerinden birevi maña şu fotoresimni çıqartmamı isteseler memnuniyetle çıqartırım. Lakin tek istegim olarnıñ da bu masqaralıqnı körmesidir...

Men kerçekten de añlamayım!!! Şu qız qardaşımız kibi halqımız vekilleri ne yapmağa tırışalar? Men onun diger fotoresimlerini de kördüm. Ebet, dülber bir qız: 5/5. Lakin aqaylar daa çoq beğensinler dep çırılçıplaq resimlerni qoymanın manası nedir? Birevlerineñ reqabet mi bar? Biz ne içün edepsiz, ahlaqsız, atta dinsiz imansız ecnebiy halq vekillerine oşamağa tırışamız? Asıl da bugün en az tabılğan ve qıymetli olğan şey edep değil mi?

Men şu E.M.'nin maneviy dülberliğini de körmek ister edim...

Men E.M'nin fotoresimini E.M.'nin açıq şekilde herkesnin körebileceği şekilde bergeni içün men de siznen paylaştım. E.M. sadece bir misal... Onuñ kibisi yüzlerneñ, binlerneñ bar... :(

Dünyada sevgi bar mı?

Dünyada sevgi bar mı?
Neden qarşıma çıqmay?
Qorqaq sevgi!
Qaçasın menden
Çıq qarşıma esaplaşayıq!
En büyük sevgi menim!
Kelçi senneñ yarışayıq.

01.12.2003 - İstanbul

Bilmek içün ölmek istemegenlerge

Men tüşünem de acaba Çelebicihannıñ şiirinde deñişiklik yapmaq bu milletke en büyük hıyanet midir? Hepimiz bilemiz işte:

Ant Etkenmen, söz bergenmen BİLMEK içün ölmege

Bilip, körüp, milletimniñ köz yaşını silmege.

Bilmey, körmey, biñ yaşasam, qurultaylı han bolsam,

Kene bir kün mezarcılar kelir meni kömmege.

Her sıradan adam "millet içün ölmek" lafını aytabilir, lakin "bilmek içün ölmek" lafını tek liderler aytar.

Zaten şiirnin bu dörtlüginin temasına baqqanda onun illa ki ve illa ki bilmek olğanını körmemek mümkün değil.

Ant etkenmeni her oquğanda içim ağlay, sızlay...

Ya aqiqiy olarak bilmek içün ant etecekmiz, ya da yırlamayacaqmız!!!

Aynecilik yoq bizde!

Aqyar Rus olup qalacak eken...

Ecdadımız "lar"sız olsa ne yahşı olur edi!

Qırımda ecdatlar sözüni pek çoq eşitem, televizyada, radioda, gazetelerde. Ecdat sözünin özü zaten çoqluq ifade ete. Ecdat atalar demek. Atalar değil de ata dep aytmaq istesek tek cet demek kerekir. Çoqluq içün ya cetler ya da ecdat sözüni qullanmaq kerek. Arap tilindeki matematika Türk edebiy tillerinden farqlı olğanından böyle hatalar çıqabile. Onun içün tilşinaslarımız daha çoq edebiyat oqumalıdır.

Bir de ecdat sözünin mañası yañlış qullanıla. Ecdat, mana olaraq atalar demek, soy - sop değil! Bir TV haberinde eşittim ki Noman Çelebicihannıñ ecdatları Amerika'da yaşay ekenler.

Ecdatlar lafını televizyada, radioda ve gazetelerde binlernen adam seyir etti, eşitti, oqudı. Yüksek faizi bu söznü doğru dep belledi ve ezberledi. Şimdi milletke doğrusını nasıl öğretecekmiz? Milletni bir çetke qoydum, asıl tilşinaslarımız nasıl öğrenecekler?

Vatandan hiç ayrılmasam...

Orqapını keçkenim her defa ağlayım. Ne içün men vetanımdan çıqmam kerek edi dep tüşünem ve kederlenem.

Men bilem ki Qırımdan çıqsam kimse mana "vatanğa qayt" demez, "qayt" değen tek gönlüm, yüregim...

Qırımda öyle qorantalar bar ki işte qızlarını Amerikaga, Germaniyaga ya da Türkiyege aqayga berseler ğururlanalar, quvanalar!!! Ne içün quvanalar? O insan yoq olup ketecek... Milyonlar içinde adiy bir insan olup qalacaq.

Men adiy bir insan olmaq istemeyim. Men milyonlar içinde zengin de olsam adiy bir insan olmaq yerine, vatanda, milletimneñ beraber sadece 300.000 adam içinde pek qıymetli bir adam olmaq isterim. Bu vetan hepimizniñ balalarına muhtac.

Resim: markybon

Maşalla, köz tiymesin!

vkontakte.ru saytında N.Z. adlı bir qız özünin fotoresimini qoyğan. Bu resimni erkez körebilir, o sebepten onu mında taşıdım.

Resimge başta E.S. adlı bir oğlan bala yaza:
ОПА! ПРИКОЛЬНО!

Belli ki qıznıñ bu resimini beğendi.

Bir başqa qız S.M. ise:
КАКАЯ ДЕВУШКА)))
(amma da qız) dey.

Asıl bu fotonuñ asıl dikkat çekici qısmına laf etken bir qız L.A. dey ki:
ты с такими ногами не боишься по улицам ходить?)))) украдут же!!!!!!!!))))))))))))))))
(tercime etsek: sen böyle bacaqlarnen soqaqlarda yürmekten qormaysın mı? Olarnı qırslarlar!!!)

N.Z. bularğa külüp keçe, elalemniñ onıñ bacaqlarını beğengeninden hoşnut eralde.

Men bularnı oquğan soñ tüşündüm aceba o qıznıñ ağası olsam ne tüşünür edim dep...
Ve şay yazdım:
menim qız qardaşım olsañız men utanır edim...

Kelgen cevap ise daha da meraqlı oldu:
АЛЛАГЪА ШУКУР!!!! СЕН МЕНИМ АГЪМ ОЛМАЙСЫН!!!!! ЭГЕР ОЙЛЕ ОЛСА ЭДИ, МЕН УТАНАР ЭДИМ!!!!!!!!!!!!!!!!!

Menim de şu cevabı bermekten başqa şey aqlıma kelmedi:
Hiç degilse Allahnıñ adını ağzına alma da ne yaparsan yap...Allahqa şükür etip elalem ögüne gavurlarday çıplaq çıqmaq da nedir? İnsanlarğa qarşı ayneci olmamaq kerek... Ha şunu dersen, 'men ahlaq - edep değen şeylerni bilmem, Allah cezamı berse berir' dersen, bir şey aytmam.